السلام عليكم ورحمة الله وبركاتة
اخواني اطرح لكم هذه الخواطر متمنيا ولو ربع ذره من اعجابكم




الألف :

أسلي خاطري بذكرياته
وأتمنى وصله وقلبي هو حياته
أذكر أنا الفرقى ولكن ماطراله
أعيش بدنيتي وقلبي وكلي حلاله
أخاف من يوم فراقه
وأتعذب من بعاده
كل هالدنياعني تغيب بغيابه
وشلون يغيب وأنا عايش عشانه
ياكل الحنان ترجيتك تعال
وشوف من يحبك وعيش بأمان


الباء:

بغيت قلبه يرحم من هو حبه
بعيني خياله مايفارقني
بقلبي صورته وهو عايش لحاله
ليش ياخلي صاير عنيد
وأنا ادري أني بقلبك الوحيد
وش سويت لك ذنبي أني حبيتك
وبين رمشي وعيني حطيتك
وفي قلبي رسمت لك أحلى صورة
وراك معذبني وأنا أموت فيك
نعم أموت فيك وأقولها بأعلى صوت
ومن قلب كثر ماحبك يقول أحبك



التاء:

تهون علي نفسي لكن حياته ماتهون
تمنى آمر وأطلب العيون
تفداك كل عين سهرت في حبك تمون
شفت القمر لو تبيه لعندك يكون
شفت الورد أنت ماتطلبه هو من حلا خدك
تلفت حولك وش تريد يابعد كل مفتون
تمنى حياتي وهي مرهونه بذيك العيون
تبي سواد الليل وهو صوره من شعرك ياحنون
تبي صوره بين أحضانك وأنفاسك
تبي العسل والرحيق المختوم وهو في شفتك مكنون



الثاء:

ثلاثة ياعيوني عشقوك من نظره
القلب والعين والروح
لا وأبشر بعشق جديد
حتى روح الروح عشقت طيفك
تدري عشقك أكبر من كل زمان
أنا مهما أكون بس أشوف هالعيون
ونظره من قليبك الحنون
ولمسه من أيدك تكون
ثلاثة هم مو بس ثلاثة
أكثر وأكثر لدرجة قلبي مايفكر يخون
أخونك ليه وأنت سبب يخليني عايش لك
ولمن غيرك راح أكون .


الجيم:

جمالك ربي يصونه
جميل المحيا عذب المبسم
جمعت الحسن كله وزودً على حسنك
جيت أبوصفك تعبت
جيت أبنساك ماقدرت
جيت اشوف نفسي
لقيت بكل ذره من جسمي عشقتك
بكل همسه وبكل لمسه وبكل فكره
بصراحه أنا عشقتك وهويتك
ويلوموني لقالوا اني مجنون هواك
ويعذلوني بكل خطوة أمشيها وراك


الحاء:
حبيت وهويت لكن وش جنيت
حب سعيد حب برئ حب غبي
حار القلب وأحتار
حب سعيد تحب وتعشق وبالاخر تنجرح
حب برئ تحب حب لكن وبلحظه
يجري العمر وبالآخر تنسى ثم تقسى
ثم تتذكر وبالآخر تتعذب
حب غبي أو حب غير متبادل
تحب وتهوى وتصير الملك في الحب
وبالآخر صدمه غير متوقعه
حب من طرف واحد
إذا لماذا نحب ونهاية الحب عذاب؟

الخاء:
خنقتني عبراتي من سبايب خلٍ نساني
خلاني وحيد بهمي والناس تبلاني
خلٍ عنيد وهمٍ جديد يرجع من ثاني
خلوني لحالي افكر في امري واحزاني
عذب قلبي في الهوى وحبه خذاني
قلبي يحبه وبالاخر خلاني وحداني
ليش يازمن قاسي خلك حاني
حبيب اوده وفي قلبه كل الحناني
برحيله راحت الروح مني
واللي خذا قلبي ياخذ حياتي


الدال:

دلني يازين وين ألاقيك
في دنيتي ولا في أحلامي أناديك
دارت دنياي واحترت وين ألقاك
دام هذا اسلوبك وين هي دروبك
درب الهوى من يسلكه يازين حارب النوم
وانت في قلبي وعقلي وعيني دوم
تهت وتاهت أخطاي
ومازال عندي أمل بلقياك
في دنيتي وحياتي ولا في آخرتي ومماتي


الذال:
ذاك اللي راح ونساني
ذيك العشرة وذيك المحبه
ذابت في لحظة عناد
ذراها أنتشر مع الريح
للأسف ضاعت سنيني
وتاهت أفكاري وحنيني
حظي تعب من كثر الأخطاء
مدري قلبي المتهور وين وداني
ولا هو عقلي اللي بكيفه يمشيني
أنا واحد مزاجي وحبي على كيفي
وبالأخر يمكن أطلع ماحبيت
او هو لعب أطفال
شفتوا لما الطفل يتعلق قلبه بشي
أشك أن حبي مثل ذا
لكن ابرجع واراجع ذكرياتي
وأشوف من الغلطان
أنا ولا نور حياتي

الراء:

روح وأسال عني تعرفني زين
أنا اللي أعشق الحلوين
ومن فينا مايعشق الزين
راحت عني فكره حنين
راجع حساباتك وشوف أنت مع مين
رجعت تشتكي الحب لمين
لقلب قسا ونسا من قسوة احبابه الغالين
راحت ذيك الايام الخوالي
والمحبه والغلا يالحبيب الحالي
ارجع وراجع عقلك وقلبك
وشوف من اللي يحبك
ومن هو عذالك


الزاء:

زماني يازماني شوفوا وين رماني
زمن عشته وزمن اتمنى أعيش فيه
زالت من قلبي أسباب السعاده
وزوالها يضايقني
متى ترجع ايامي لبسمتها
زولك في عيني وغيابك قاسي
حكمك علي ضيّع آمالي
ليش نويت البعد عني؟
وليش حبك فتني؟
لأنك حبي وفني!!


السين:
سلامي للي يخجل الورد من خدوده
سلام من نفس ماتمل حبيب في فرحه وجوده
سلمت له كلي ونفسي فيه موقوده
احبه واغليه غصب عن كل نفس حقوده
مايسلاه ابد قلبي وروحه حيل خجوله
اتوه ليا منه نرتي بنظره حنونه
هذا هو نور دنيتي وحياتي به مرهونه


الشين :
شريت الروح يابعد الروح...
شاريها بكل عيوبها وبلاويها...
شفت أني صحيح مجنون...
لكن مو أي جنون ياعيون...
ليه تخون وأنتي ماغيرك بروحي يكون...
ياقمر السما بأرض الكون...
حبك عالي وفوق كل الظنون...
لايخونك تفكيرك بيوم مو أنا طبعي حنون...
ظنك في يوم أخون ؟
ظنك في يوم أنسى عشرتنا لا ماتهون؟
قلتها بعالي الصوت أحبك وخلهم يدرون!!

الصاد :
صرتي بحياتي كل شي الشمس والفي..
صحيح أني أحبك ياكل الحلا والظي..
صورتك بعيني تكون يابعد كل حي..
وينك يابعيد ووين المحبه ؟
معقولة بهالبساطه تروح وتنسى !
وثم علي تقسى وتتركني وحيد ..
بين هم ودمع عين وخافق حزين...
بين نار في ضلوعي جحيمها ..
بين جنه في احلامي نعيمها..
للأسف خابت فيك الظنون..
وصار غيابك مثل الورد يذبل كل يوم ..
خلك بعيد وأنا ببعدك سعيد ...

الضاد :
ضويت بخاطري شمعه
نزلت وراها دمعه
تحدرت من عيني لوجنتي
وبعدها أختفت في المجهول
خيالك مثل الدمعه
لكن مايفارقني مهما يكون

الطاء:

طلبت من الله شوفك
طلبت الامس كفوفك
واحس بك معي بوجودك
طالت علي الايام والهموم
طيفك يعانق احلامي
يبدد كل افكاري
وكل هذا ابوصفه
ابوصف حبك العذري
وقلبك وشعرك الغجري
ولمسه من كفوفك تكفيني كل دهري
ياغايتي وقلبي
ياصبحي وليلي
ياامسي ويومي
حياتي مرهونه لاجلك
وانت حب حياتي شكلك


الظاء:

ظلموني في حبك ولا يدرون
ظلمت نفسي بهجرك ولايحسون
ظايقوني وقالوا مجنون
قلت مجنون بعين سودً هدبها
وبشعرً كنه الليل بسكون
وقد مال كما الخيزران
مع كل هذا يقولون
مساكين اللي يعشقون
وانا في هواك مفتون
آه ياذيك العيون


العين:
عين صارت لك القلب الوفي
عين صارت لك العاشق المجنون
عمرك صدقت كلامي ياحنون
عمر الفرحه مافارقت شفاهي
وانا اشوفك بكل اوراقي
وانت قريب الدنيا تزيد
وبسعاده تستجيب لحبي
لنبض قلبي لرعشه رمشي
تخيلتك في سماي قمره
وفي دنيتي فرحه بليله سمره
وفي قلبي انت الوحيد
لابارك الله في البعد
اللي خلاك وانت عني بعيد


الغين:

غار القمر يوم شاف وجهك واستحى
وغرت انا لما شفت الخلق حولك
غارت دمعتي في عيني
من لمسة كفوفك
ومن الضياع في دروبك
غيرتي من الهوى لداعب خصلة من شعرك
وغيرتي حتى من اهلك
ياناس حبيبي وحقي اغير
اغير عليك من شالك
واكره انا وقلبي عذالك
لاتنساني ياحبيب
وخلك انت الوحيد

الفاء:
فرحتي ياناس مالها قيود
فرحه وانا بالحب موعود
بحب قلب بالغلا ماله حدود
حبك وسام بصدري خليته
وشرف حبك من الراس للساس عزيته
انت ياكل الوجود
وياللي بداخلي موجود
ليتنا كنا صغار نحب بدون عذال
وننسى في هوانا القيل والقال
انت ياكل الوجود
انت بداخلي موجود

القاف:
قرب الموعد والقلب زادت نبضاته
وقرب اللقاء والعين مشتاقه
لحظة خوف ولحظة فرح
حسيتها بوقتي ذاته
ودقات قلبي بالحيل ولهانه
ورودي في ايدي بدت ذبلانه
للاسف عدى الوقت والزين ماجانه
وجرت دمعه من اعماق العين
قلبي اللي طول عمره وروحي شفقانه
ترجي لقاكم يااريش العين
ساعتها نسى قلبي احزانه
وعرف بكل موعد خيانه
وبكل لحظة نهاية
وانا اعلن نهاية حبي
وموعدي من كثرة نسيانه


الكاف:
كفاك العذر ياصاح
كفاني ماجا منك بالغدر
كفى هم ونوح وصياح
على حبيب خان بكذباته
كيف تبيني اسامح وانسى
وانت على قلبي اقسى
كم مره قلت لك
اصدق معي بالفرح مره
تلقى سعاده بالحب مستمره
ابعلنها ياكاذب حقيقه مُره
عساها تخليك تندم بقوه
وتعرف كيف كنت اعاني
من حبك وقسوة قلبك
كنت للاسف احيك
والحين مالك طاري على بالي

اللام:
لاموني في هوى السمر مرات
لالقوا مني فايده ولا هدوات
كيف ابهتدي والصبر ملني
على حب الاسمر قلبي دلني
آه ياقلبي من حبك يااسمر
لوعت قلبي فيك بالحيل
وزدت في حبك حب
يفوق تصويرك

الميم:

مزيون يسبي القلوب الجادل المزيون
مزون تمطر حب على قلبي بجنون
مرات احس اني مو في دنيا
ومرات اغيب لحظت احساسي فيك
كلن يحسب اني اهوجس واغني
وانا في هواك ذبت ومتعني
وانا بغلاك لي يازين ماحد غصبني
عشقتك عشق خالد
مثل مجنون ليلى شايف
حبي لك فوق الوصف
اهديك القلب وزود عليه الروح
يابعد الروح


النون:
نور سطع في عتمت الليل
نورت داري مو باختياري
ناديت يوم ساعتها لمحت لي طيف
اشتقت له يوم اقبل وحنيت
لبوسه لقاء تشفي مابقا
نزلت دمعتي يوم اني دريت
لاهي بوسه ولاهي وردة معطرة
كانت خيال مر بي وسليت
وسلوة العاشق ماهي نسيان
هي ذكرى لاحلى انسان


الهاء:
هذا حبيبي شوفوا ما احلاه
هو نبضي وقلبي اللي انا اتمناه
هو بعيد في بلاد وانا ببلاد
لكن يجمعنا شي واحد
وهو من شيئ مقدس
يجمعنا حب صادق
هو موصادق هو حب عذري
حب طاهر شريف
ادعي في كل يوم وليله
وحتى قبل منامي ادعي عسى
يالقاء مع حبيبي يجمعني

الواو:
وينك ياغلى الناس
وين الطيبه والاحساس
في زمن قست فيه الناس
والمحبه صارت تنداس
وعلى ذيك الطواري
قلبي منك ماعاش
توقفت نبضاته
كرهتك للاسف بدون قياس
كرهك يجري في وريدي بلا احساس
يكفيني ماقلته عنك
مابي اشيل ذنبك
في يوم ينحشر فيه الناس


الياء:

يقول اللي عينه سهرانه
يلوم حبيبه بهجرانه
يهوجس في حبيبه وهو سلوانه
ياعين ليش السهر ياعين
لاجل حبيب شد برحاله
ونسى اقرب خلانه
يصيح بعالي الصوت
والنار تاكل في شريانه
يندم على وقت ضاع
وعلى حبيب شد برحاله

وتحياتي لكم وعسى ان تنال
هذه الابجديه على اعجابكم

اخوكم المحب

عميد الأحساء

المصدر: الأحساء

بصراحه رائعه ماشاء الله
ولاحظت انك اقتبست من بعض مقاطع شعريه
بس رهيبه تصلح رسائل جوال،،

تحياتي لك